Ուկրաինայի հավաքականի նախկին մարզիչ Ալեքսանդր Պետրակովը հնարավոր է, որ շուտով կգլխավորի Հայաստանի ազգային հավաքականը։
Այս մասին հայտնում է լրագրող, ինսայդեր Սուրեն Մելիքսեթյանը։ Պայմանագրի ստորագրման մասին պաշտոնապես հնարավոր է հայտարարվի մինչև շաբաթվա վերջ, փոխանցում է Armsport.am-ը։
Հիշեցնենք, որ Պետրակովը պաշտոնապես լքել է Ուկրաինայի հավաքականը հունվարի 12-ին։
«Դեղին-կապույտները» ուկրաինացի մասնագետի գլխավորությամբ անցկացրել են 15 հանդիպում, որոնցում տարել են 6 հաղթանակ, 7 անգամ ոչ-ոքի խաղացել և կրել 2 պարտություն։
Հիշեցնենք, որ Հայաստանի հավաքականը վերջին երկու ընկերական հանդիպումներն Ալբանիայի և Կոսովոյի ընտրանիների հետ անցկացրել է Ռոման Բերեզովսկու գլխավորությամբ։ Հայաստանի հավաքականի գլխավոր մարզչի պաշտոնը թափուր է նախորդ տարվա սեպտեմբերից։
