FlyOne Armenia-ն առաջատարն է՝ աննախադեպ ուղևորահոսքի բարձր ցուցանիշով

2022 թվականին Հայաստա օդային ճանապարհով ուղևորահոսքի թիվն աննախադեպ է․ այն կազմել է 3 միլիոն 697 հազար 539 ուղևոր։ Այս մասին այսօր հայտարարել է ՀՀ տարածքային կառավարման եւ ենթակառուցվածքների նախարարի տեղակալ Արմեն Սիմոնյանը։ Ուղևորափոխադրումների ցուցանիշով առաջատարը FlyOne Armenia ընկերությունն է՝ 458 հազար 500 ուղևորով։

Ցուցանիշն իրավամբ աննախադեպ է, հատկապես հաշվի առնելով, որ FlyOne Armenia ընկերությունը շուկա է մուտք գործել ընդամենը մեկ տարի առաջ։ Լինելով առաջին ազգային ավիափոխանդրողը՝ ընկերությունն անցավ լուրջ փորձություններով, բայց այնուամենայնիվ՝ վաստակեց ուղևորների վստահությունն ու դարձավ նրանց մեծամասնության առաջին ընտրությունը։

Հենց այս վստահությունն է FlyOne Armenia-ին այսօր բարձրացրել առաջատարի նշաձողին։ Օրեցօր համալրվելով բարձր որակավորում ունեցող հայազգի մասնագետներով՝ ընկերությունը շարունակում է համալրել նաև իր ավիապարկը՝ միջազգային ստանդարտներին համապատասխան ժամանակակից օդանավերով։ Միաժամանակ՝ ինտենսիվ ընդլայնվում է նաև չվերթների աշխարհագրությունը՝ ճամփորդությունը հասանելի դարձնելով ոչ միայն դեպի հարևան երկրներ, այլ նաև Ռուսաստան, Մերձավոր Արևելք, Եվրոպա։