իևն ու Բայրամովը կրկին ակտիվացել են․ նոր մեղադրանքներ՝ ՀՀ հասցեին

Վերջին երկու օրերին Ադրբեջանի քաղաքական ղեկավարությունը կրկին աչքի է ընկնում հայկական կողմին հասցեագրվող քննադատությամբ։

Նախ, երեկ, Դավոսի Համաշխարհային տնտեսական ֆորումի տարեկան ժողովի ժամանակ, Ադրբեջանի նախագահ Իլհամ Ալիևը հայտարարել է, որ Հայաստան-Վրաստան-Ադրբեջան եռակողմ հանդիպումը չեղարկվել է հայերի կողմից։

Հիշեցնենք, որ Պրահայում անցյալ տարվա աշնանը տեղի ունեցած քառակողմ հանդիպումից հետո քննարկվել էր Հայաստանի, Վրաստանի և Ադրբեջանի ղեկավարների՝ Թբիլիսիում անցկացվելիք հանդիպման հեռանկարի մասին։

Իր հերթին, Ադրբեջանի ԱԳ նախարար Ջեյհուն Բայրամովը նշել է, թե «հայկական կողմը խուսափում է խաղաղ բանակցություններից»՝ ընդգծելով, որ Բաքուն նախաձեռնել է խաղաղության օրակարգի իրագործումը։

«Մենք նախաձեռնում ենք շարունակել բանակցությունները»,- շեշտել է նա՝ հավելելով, որ իբր հայկական կողմի հրաժարման պատճառով բանակցությունները փակուղի են մտել։