Հայաստանի և Ադրբեջանի միջև բանակցությունների լավագույն հարթակը Վրաստանում է։
Այդ մասին ասել է Վրաստանի խորհրդարանի առաջին փոխխոսնակ Գեորգի Վոլսկին։
Նա նշել է, որ Վրաստանն առանձնահատուկ հարաբերություններ ունի թե՛ Հայաստանի, թե՛ Ադրբեջանի հետ:
«Վրաստանում ապրում են բազմաթիվ հայեր և ադրբեջանցիներ, և այս երկու կողմերի միջև բանակցությունների լավագույն հարթակը Վրաստանն է»,- նշել է Վոլսկին։
Նրա խոսքով, Վրաստանի դերը Հայաստանի և Ադրբեջանի միջև հարաբերությունների կարգավորման գործում առանձնահատուկ նշանակություն ունի, հատկապես, եթե նրան աջակցում է միջազգային հանրությունը։
