Եվրամիությունը համաձայնեցրել է Իրանի դեմ նոր պատժամիջոցների փաթեթը։ Որոշումը կայացվել է ԵՄ անդամ պետությունների արտգործնախարարների այսօր Բրյուսելում մեկնարկած հավաքի ընթացքում։ Այս մասին թվիթերյան գրառմամբ տեղեկացրել է ԵՄ նախագահությունը ստանձնած Շվեդիայի կառավարությունը։
«Նախարարները համաձայնեցրել են Իրանի դեմ պատժամիջոցների նոր փաթեթը՝ թիրախավորել այն [պաշտոնյաներին], որոնք բռնաճնշումների շարժիչ ուժն են հանդիսանում։ ԵՄ-ն խստորեն դատապարտում է խաղաղ ցուցարարների դեմ Իրանի իշխանությունների կողմից կիրառվող ոչ համարժեք բռնությունները», – նշված է շվեդական կողմի թվիթերյան գրառման մեջ։
