Վրաստանի նախկին նախագահ Միխայիլ Սաակաշվիլին չի հետևում բժիշկների ցուցումներին, հաճախ հրաժարվում է ուտելուց։
Այդ մասին հայտարարել է «Vivamed» կլինիկայի տնօրեն Զուրաբ Չխաիձեն՝ նշելով, որ քաղաքական գործիչը սադրիչ վերաբերմունք է դրսևորում։
Նա նաև հաստատել է, որ Սաակաշվիլին իսկապես վարակվել է կորոնավիրուսով, սակայն նշել, որ նրա վիճակը ծանր չէ։
«Հիվանդը հետազոտվել է. կազմվել և համաձայնեցվել է բուժման պլան, և համարվել է, որ դրա պարամետրերը չեն համապատասխանում կրիտիկական բաժանմունք տեղափոխվելուն»,- ասել է Չխաիձեն։
Միաժամանակ, Չխաիձեն հերքել է Սաակաշվիլիի փաստաբան Շալվա Խաչապուրիձեի հայտարարությունը, թե նախկին նախագահը ուշագնաց է եղել նախորդ օրը։
03:02
Մայիս 5, 2026
