ՌԴ-ում ՀՀ դեսպանության հաղորդած նոր տվյալների համաձայն՝ Կրասնոդարի մարզում տեղի ունեցած ավտովթարի հետևանքով զոհվել են ՀՀ 31-ամյա, 35-ամյա և 81-ամյա քաղաքացիներ և Արմավիրի 65-ամյա բնակիչը։
Վթարի հետևանքով տուժել է նաև մինիվենի 9-ամյա ուղևորուհին, որը ևս Հայաստանի քաղաքացի է: Նա տեղափոխվել է Արմավիրի քաղաքային հիվանդանոց, այս պահին գտնվում է վերակենդանացման բաժանմունքում:
Հիշեցնենք` ավտովթարը տեղի է ունեցել օգոստոսի 23-ին` ժամը 17.40-ի շրջանում «Կավկազ» դաշնային ավտոճանապարհի 172-րդ կիլոմետրում՝ Զավետնի գյուղի մոտ:
Նշվում է, որ Դոնի Ռոստովում Հայաստանի Հանրապետության դեսպանատունը և գլխավոր հյուպատոսությունը մշտական կապի մեջ են Ռուսաստանի Դաշնության համապատասխան մարմինների և բժշկական հաստատության հետ:
