Սյունիքի սահմանամերձ հատվածներում տևական ժամանակ է, ինչ իրավիճակի փոփոխություն չկա, այս պահի դրությամբ լարվածություն չի նկատվում, «Արմենպրես»-ի հետ զրույցում ասել է Սյունիքի մարզպետ Ռոբերտ Ղուկասյանը՝ անդրադառնալով սահմանամերձ շրջանների իրավիճակի վերաբերյալ հարցին:

«Տևական ժամանակ է՝ որևէ փոփոխություն չկա: Ինձ հայտնի չեն նույնիսկ պատահական, ոչ թիրախավորված կրակոցի փաստեր: Իրավիճակը որևէ փոփոխության չի ենթարկվել արդեն բավականին ժամանակ»,- ասել է Ղուկասյանը:

Մարզպետի խոսքով՝ նույնիսկ Ներքին Հանդում, որը հաճախակի է թիրախավորվել ադրբեջանական կողմից, որևէ փոփոխություն չկա: «Մարդիկ, վերադարձել են, այդտեղ ապրում են, իրենք մեր կառավարության ուշադրության կենտրոնում են»,- «Արմենպրես»-ին վստահեցրել է մարզպետը՝ հավելելով, որ այս պահի դրությամբ որևէ լարվածություն չի նկատվում: