Հայաստանը մինչ այժմ Միջազգային քրեական դատարան (ՄՔԴ) չի դիմել այն հարցերով, որոնք, ըստ Ռուսաստանի Անվտանգության խորհրդի, հիմք էին Հռոմի ստատուտի վավերացման համար։ Այս մասին լրագրողներին հայտնել են ՌԴ Անվտանգության խորհրդում։
Ռուսական կողմում նշել են, որ երեք տարի առաջ Հայաստանը Հռոմի ստատուտը վավերացնելիս որպես պաշտոնական պատճառ ներկայացրել էր սահմանային լարվածության շրջանում երկրի տարածքում հնարավոր հանցագործությունների վերաբերյալ միջազգային հետաքննության հնարավորությունը։ ՌԴ ԱԽ-ում պնդել են, որ, իրենց տեղեկություններով, Հայաստանի իշխանությունները մինչ այժմ ՄՔԴ չեն դիմել և որևէ հետաքննություն չեն նախաձեռնել։
ՌԴ Անվտանգության խորհրդում նաև նշել են, որ Հռոմի ստատուտի վավերացման և դրա դրույթների իրականացման պարտավորությունը ամրագրված է Հայաստան-ԵՄ Համապարփակ և ընդլայնված գործընկերության համաձայնագրում։ Ըստ ռուսական կողմի՝ ՄՔԴ-ի իրավազորության ճանաչումը Եվրամիության անդամակցության ձգտող երկրների համար առանցքային քաղաքական պայմաններից մեկն է։
ՌԴ ԱԽ-ում կրկին քննադատել են ՄՔԴ-ի գործունեությունը՝ դատարանին մեղադրելով քաղաքականացված և կողմնակալ լինելու մեջ։ Միաժամանակ Հայաստանի ներկայիս դիրքորոշման վերաբերյալ նշել են, որ այդ հարցով ավելի ճիշտ է դիմել անմիջապես Հայաստանի իշխանություններին։
