Խաչանովը շնորհակալություն է հայտնել ՀՀ դրոշներով իրեն աջակցած երկրպագուներին

Հայկական արմատներով ռուսաստանցի թենիսիստ Կարեն Խաչանովն ամփոփել է Ավստրալիայի բաց առաջնությունում իր ելույթներն ու անդրադարձել այն երկրպագուներին, որոնք Հայաստանի դրոշներով աջակցել են իրեն ամբողջ մրցաշարի ընթացքում:

«Ինձ համար կարևոր է այն, որ Հայաստանի դրոշներով երկրպագուներ կային տրիբունաներում: Ուզում եմ շնորհակալություն հայտնել նրանց աջակցության համար:

Ռուս երկրպագուներին չէին թողել Ռուսաստանի դրոշը բերել, սակայն ես զգացել եմ նաև նրանց աջակցությունը: Երջանիկ եմ, որ նրանք իրենց սերը տվեցին ինձ մինչև վերջին պահը»,-մրցաշարի մամուլի ծառայության հետ զրույցում ասել է Խաչանովը:

Հավելենք, որ Խաչանովը դուրս մնաց Ավստրալիայի բաց առաջնության կիսաեզրափակիչից:

Մրցաշարի ընթացքում հայ թենիսիստն Արցախին աջակցող գրառումներ էր արել տեսախցիկի վրա, ինչը հարուցել է Ադրբեջանի վրդովմունքը․ այդ երկրի թենիսի ֆեդերացիային դիմել է Թենիսի միջազգային ֆեդերացիային՝ Խաչանովին պատժելու պահանջով։