Բաքուն ու Երևանը պետք է խաղաղության պայմանագիր ստորագրեն. Ալիև

Բաքուն և Երևանը հարաբերությունների կարգավորման համար պետք է խաղաղության պայմանագիր ստորագրեն։

Այս մասին ասել է Ադրբեջանի նախագահ Իլհամ Ալիևը՝ Եգիպտոսի նախագահ Աբդել Ֆաթթահ Ալ-Սիսիի հետ բանակցություններին հաջորդած մամուլի ասուլիսում։

Նա կրկին պնդել է, թե «ղարաբաղյան հակամարտությունն ավարտվել է և այն արդեն կարգավորվել է»։ Ալիևի խոսքով, այդուհանդերձ, դեռ խաղաղություն ձեռք չի բերվել։

«Խաղաղության պայմանագիրը, որը կստորագրվի Ադրբեջանի և Հայաստանի միջև, կհանգեցնի խաղաղության ձեռքբերման։ Մենք մեր հստակ առաջարկներ ենք արել, և չնայած բոլոր տառապանքներին, բոլոր ավերածություններին՝ մենք դեռ հավատում ենք, որ խաղաղության պայմանագիր պետք է ստորագրվի, հակառակ դեպքում ռիսկերը մեր տարածաշրջանում կարող են մեծանալ»,-հավելել է նա։