Թուրքիան ԱՄՆ-ից ո՛չ կործանիչներ է ստացել, ո՛չ փող․ Էրդողանը բողոքում է

Թուրքիայի նախագահ Ռեջեփ Թայիփ Էրդողանը հայտարարել է, որ Անկարան ԱՄՆ-ից չի ստացել ո՛չ կործանիչները, ո՛չ էլ դրանց համար վճարված գումարը, հայտնում է Anadolu գործակալությունը։

«Կային մարդիկ, ովքեր սպառնում էին մեզ C-400 գնելու առիթով՝ փոխարենը ոչինչ չառաջարկելով։

Այժմ մենք բանակցում ենք F-16-ների մատակարարման շուրջ, սակայն մեզ մերժում են։

Մեզ խոստացել էին F-35 ինքնաթիռներ, բայց նրանք չեղան իրենց խոսքի տերը։

Չնայած մենք վճարել ենք մոտ 1 միլիարդ 400 միլիոն դոլար։ Ինքնաթիռներ չկան, գումարն էլ չի վերադարձվել»,- ասել է նա։

Էրդողանը նշել է նաև, որ Թուրքիան «միշտ պահում է իր խոսքը և դա ակնկալում է իր գործընկերներից»։