Ի՞նչ են քննարկելու ԵԱՏՄ երկրների վարչապետները Ղազախստանում կայանալիք նիստում

ԵԱՏՄ երկրների վարչապետները Ալմաթիում կայանալիք Եվրասիական միջկառավարական խորհրդի նիստում կքննարկեն գազի ընդհանուր շուկայի ձևավորման մասին պայմանագրի նախագծի նախապատրաստումը։

Միջկառավարական խորհրդի նիստը տեղի կունենա փետրվարի 2-3-ը՝ Ալմաթիում, առկա ձևաչափով։

Հաղորդվում է նաև, որ Եվրասիական տնտեսական հանձնաժողովը միջկառավարական խորհրդի անդամներին կտեղեկացնի անդամ պետություններում մակրոտնտեսական իրավիճակի և կայուն տնտեսական զարգացման ապահովման, արագացված երկաթուղային և մուլտիմոդալ փոխադրումների իրականացման վերաբերյալ միութենական երկրների համատեղ նախագծի իրականացման առաջարկությունների մասին:

Ավելի վաղ հայտնել ենք, որ նիստին կմասնակցի նաև ՀՀ վարչապետ Նիկոլ Փաշինյանը։