ՀՀ ժողովրդագրական ռազմավարության քննարկմանը Ազգային ժողովի «Քաղաքացիական պայմանագիր» խմբակցության պատգամավոր Խաչատուր Սուքիասյանը նշեց, որ եթե մեր հարևանների հետ միշտ պետք է լարված մթնոլորտը ունենանք, ապա ոչ մի արդյունքի չենք հասնի:
«Ինչ կառուցենք, հիմքում ինչ ուզենանք ստեղծենք, որքան ավելի բարձր հավելյալ արժեք ստեղծենք, մեկա Հայաստանը լքելու են»,-նշել է պատգամավորը հետաքրքրվելով թե արդյոք կան տվյալներ՝ իննսունական թվականներից որքան մարդ է բացակայել երկրից։
Խաչատուր Սուքիասյանը նշեց, որ խնդիրը պետք է համալիր՝ խորքային և տարածաշրջանային դիտարկվի։ «Եթե այս փաստաթուղթը ինչ–որ կերպ ընկալվի պետական մարմինների կողմից, պետք է կառավարման ինստիտուտ ստգեղծվի»,–նշեց նա։
