Տեղի ունեցած երկրաշարժը աղետալի հետևանքներ է առաջ բերել հատկապես Սիրիայում, որը գտնվելով միջազգային պատժամիջոցների տակ չունի տուժածներին փրկելու համար անհրաժեշտ տեխնիկա և բժշկական պարագաներ:
Այս մասին ֆեյսբուքյան իր էջում գրել է «Հանուն հանրապետության» կուսակցության առաջնորդ Արման Բաբաջանյանը․
«Հայկական սփյուռքի երբեմնի սիրտը համարվող Հալեպն ամենաշատն է տուժել երկրաշարժից:
Քաղաքացիական պատերազմից ի վեր այս քաղաքում մնացել էին հիմնականում ծերերն ու չքավորները՝ այդ թվում հազարավոր մեր հայրենակիցները:
Հայաստանը չի կարող սիրիահայերին դաժան ցրտի և արհավիրքի պայմաններում միայնակ թողնել:
Սիրիահայ մեր հայրենակիցներին պետք է առաջին օգնությունը տրամադրելուց հետո առաջարկել տեղափոխվել հայրենիք»:
