Թուրքիայի զինված ուժերը հայտարարել են հատուկ օդային միջանցք ստեղծելու մասին, որով այլ երկրներից փրկարարները կտեղափոխվեն երկրաշարժի շրջան։ Թուրքիայի պաշտպանության նախարարության Twitter-ի էջում տեսանյութ է տեղադրվել, որում պատկերված է ԱԻՆ ինքնաթիռի տեղաշարժն աղետի գոտի։
Ավելի վաղ Ռուսաստանի ԱԻՆ-ը հայտարարել էր, որ պատրաստ է փրկարարներով երկու Իլ-76 ինքնաթիռ ուղարկել Թուրքիա, տեղական արտակարգ ծառայություններին օգնելու վերացնել Գազիանթեփ նահանգում տեղի ունեցած երկրաշարժի հետևանքները:
Գերատեսչության ղեկավար Ալեքսանդր Կուրենկովն ասել է, որ 100 փրկարարներից բաղկացած խումբն արդեն պատրաստ է թռիչքի։
