Ռուսաստանի պաշտպանության նախարար Սերգեյ Շոյգուն այսօր հեռախոսակապով անցկացրած խորհրդակցության ժամանակ ասել է, որ չնայած արևմտյան երկրների կողմից Կիևին ցուցաբերվող ռազմական աննախադեպ օգնությանը՝ ուկրաինական զինված ուժերը շարունակում են զգալի կորուստներ կրել։
«Հունվարին ուկրաինացի 6 հազար 500 զինծառայող է զոհվել, խոցվել է 26 ռազմական օդանավ, 7 ուղղաթիռ, 208 անօդաչու թռչող սարք» – նշել է նա:
Շոյգուի բերած տվյալներով` ուկրաինական բանակը նաև 341 տանկ և զրահամեքենա է կորցրել ու համազարկային կրակի 40 ռեակտիվ համակարգ։
