Խաղաղության պայմանագրի վերաբերկալ առաջարկները, որոնց մասին նախօրեին հայտարարել է Հայաստանի արտգործնախարար Արարատ Միրզոյանը, Ադրբեջանը ներկայացրել է ոչ թե «օրերս», այլ 15 օր առաջ։
Այս մասին ասել է Ադրբեջանի ԱԳՆ մամուլի ծառայության ղեկավար Այհան Հաջիզադեն՝ մեկնաբանելով փետրվարի 7-ին Հայաստանի ԱԳ նախարար Արարատ Միրզոյանի հայտարարությունները, ըստ որի՝ Ադրբեջանը խոչընդոտում է բանակցային գործընթացին, իսկ Հայաստանը ջանքեր է գործադրում տարածաշրջանում խաղաղություն հաստատելու համար։
Հիշեցնենք, Գերմանիայի ԱԳ նախարար Աննալենա Բերբոքի հետ համատեղ ասուլիսում Արարատ Միրզոյանը նշել էր նաև, որ Հայաստանը քննարկում է Ադրբեջանի կողմից ներկայացված խաղաղության պայմանագրի առաջարկները։
Բացի այդ, ադրբեջանցի պաշտոնյան հայկական կողմին մեղադրել է «ապակառուցողականության» և իբր բանակցային գործընթացը «վիժեցնելու» մեջ։
