ՀՀ գլխավոր դատախազ Աննա Վարդապետյանն ԱԺ-ում ներկայացրել է ԱԺ «Հայաստան» խմբակցության ղեկավար, ՀՀ ՊՆ նախկին նախարար Սեյրան Օհանյանին անձեռնմխելիությունից զրկելու և նրա նկատմամբ հանրային քրեական հետապնդելուն համաձայնություն տալու երրորդ միջնորդագիրը։
Վարդապետյանի խոսքով, Սեյրան Օհանյանի կողմից հանցավոր արարքների կատարումը հաստատվել է քրեական վարույթի նախաքննությամբ ձեռք բերված մի շարք փաստական տվյալներով:
Այդ փաստական տվյալների շարքում նաև մատնանշել է, թե ովքե՞ր են ցուցմունքներ տվել Սեյրան Օհանյանի գործով։
Նախկին պաշտոնյաների թվում են՝ ՀՀ երրորդ նախագահ Սերժ Սարգսյանը, նախկին վարչապետ Տիգրան Սարգսյանը, Էկոնոմիկայի նախկին նախարար Ներսես Երիցյանը, ՊՆ նախկին փոխնախարար Արա Նազարյանը, ՊՆ մի շարք նախկին բարձրաստիճան պաշտոնյաներ։
