Տեղեկացրել ենք, որ Հայաստանի Հանրապետությունը փրկարարական ջոկատներ է ուղարկել Սիրիա և Թուրքիա՝ աջակցելու երկրաշարժի հետևանքով տուժած շրջաններում իրականացվող որոնողափրկարարական աշխատանքներին:
Թեմային ֆեյսբուքյան իր էջում անդրադարձել է «Իրազեկ քաղաքացիներ միավորում» հասարակական կազմակերպության համակարգող Դանիել Իոաննիսյանը՝ նշելով, որ Թուրքիա փրկարարներ ուղարկելը քննադատողների թվում առավել ծիծաղելի իրավիճակում են հայտնվել՝
1. Քոչարյանի կողմնակիցները, որոնց ղեկավար Ռոբերտ Քոչարյանը 1999 թվականին Թուրքիա փրկարարական օգնություն է ուղարկել,
2. Սարգսյանի կողմնակիցները, որոնց ղեկավար Սերժ Սարգսյանը 2011 թվականին Թուրքիային փրկարարական օգնություն է առաջարկել,
3. Որոշ եկեղեցականներ, որոնք պետք է տարածեն քրիստոնեական-մարդասիրական արժեքներ,
4. Որոշ ռուսամետներ, որոնք գոռում էին, թե Ուկրաինայում նացիստական կառավարություն է, բայց հիմա իրենք են գոռում «մահ թուրքերին»։
Հ.Գ. Այո, քննադատողների զգալի մասը այս խմբերից դուրս է։ Դա այդ մարդկանց իրավունքն է։ Կարևորը՝ քննադատելիս ազնիվ լինելն է։
