Ուրախ եմ, որ Հայաստանում գիտակցում են այն ջանքերը, որ ԵՄ-ն կատարում է ամենաբարձր մակարդակով նպաստելու Հայաստանի և Ադրբեջանի միջև հարաբերությունների կարգավորմանը։
Այս մասին այսօր Երևանում հրավիրված մամուլի ասուլիսին հայտարարել է պաշտոնական այցով Հայաստանում գտնվող Խորվաթիայի ԱԳ նախարար Գորդան Գրլիչ Ռադմանը։
«Այդուհանդերձ, մեզ պետք են մեկտեղված ջանքեր՝ դեէսկալացնելու լարվածությունը։ Այս առումով ես վստահ եմ, որ թե՛ Ադրբեջանը, թե՛ Հայաստանը կշարունակեն իրենց ջանքերը վերամեկնարկելու խաղաղության դադարեցված բանակցություններն ու երկխոսությունը՝ մեր ջանքերի հետ մեկտեղ», – ասաց Խորվաթիայի ԱԳ նախարարը։
Անդրադառնալով Լաչինի միջանցքին՝ նախարարը վերահաստատել է ԵՄ-ի դիրքորոշումն այդ հարցում և հույս հայտնել, որ խնդիրը կլուծվի միջազգային հումանիտար ստանդարտներին համապատասխան։
