Թուրքիայում բազմաթիվ օտարերկրացիներ են անհետ կորել

Մեծ Բրիտանիան, Ավստրալիան, Իտալիան և Նիդեռլանդները հայտարարել են, որ Թուրքիայում երկրաշարժի գոտում անհետ կորած քաղաքացիներ ունեն։

Ավստրալիայի ԱԳ նախարարությունը հայտնել է, որ իրենք տեղեկություն չունեն երկրի չորս քաղաքացիների մասին, որոնք եղել են երկրաշարժերի տարածաշրջանում, հաղորդում է Gercek-ը: Ավստրալիայի վարչապետ Էնթոնի Ալբենեզեն հայտարարել է, որ 72 անձնակազմ կուղարկվի Թուրքիա՝ տեղական իշխանություններին աջակցելու համար։

Մեծ Բրիտանիայի արտաքին գործերի նախարար Ջեյմս Քլևերլին էլ հայտարարել է, որ երկրաշարժի գոտում անհետ կորել են Բրիտանիայի երեք քաղաքացիներ։

Իտալիայի փոխվարչապետ, արտաքին գործերի նախարար Անտոնիո Տայանին էլ հայտնել է, որ Թուրքիայում երկրաշարժի գոտում չեն կարողացել կապ հաստատել Իտալիայի մեկ քաղաքացու հետ։

Ամբողջական հոդվածը կարող եք կարդալ այս հասցեով՝ https://factor.am/609477.html

© factor.am