ԱԺ-ում այսօր տեղի կունենա Չարչյանին անձեռնմխելիությունից զրկելու հարցով գաղտնի քվեարկությունը

Այսօր խորհրդարանում տեղի կունենա ընդդիմադիր «Հայաստան» դաշինքի պատգամավոր Արմեն Չարչյանի նկատմամբ քրեական հետապնդում հարուցելուն համաձայնություն տալու վերաբերյալ գաղտնի քվեարկությունը։

Քվեարկությունը կսկսվի ժամը 10:30-ին եւ կտևի մինչև 11:00:

Ավելի վաղ, ՀՀ գլխավոր դատախազ Աննա Վարդապետյանը խորհրդարանին ներկայացրել է համապատասխան միջնորդությունները, ըստ որի՝ Չարչյանը, որպես փորձագետ, տվել է կեղծ եզրակացություն: Խոսքը ՊՊԾ գունդը գրավելու գործով մեղադրյալ, «Հաց բերող» անունով հայտնի Արթուր Սարգսյանի մասին է, որը մահացել է 2017 թվականի մարտին:

Հիշեցնենք, որ երեկ ԱԺ-ն ընդունեց ՊՆ նախկին նախարար, «Հայաստան» խմբակցության ղեկավար Սեյրան Օհանյանի նկատմամբ քրեական հետապնդում հարուցելուն համաձայնություն տալու՝ գլխավոր դատախազի ներկայացրած միջնորդությունները։

Ըստ այդմ, Սեյրան Օհանյանը կզրկվի պատգամավորական անձեռնմխելիությունից, բայց կպահպանի մանդատը։