Թուրքիայում ավերիչ երկրաշարժերի զոհերի թիվը շարունակում է աճել։
Ինչպես հայտնում են թուրքական լրատվամիջոցները, փետրվարի 6-ին տեղի ունեցած բնաղետի զոհերի թիվը հասել է 12.391-ի, իսկ վիրավորների թիվը 62.914 է։
Ավերվել է 6.444 շինություն։ Որոնողափրկարարական աշխատանքները շարունակվում են։
Հիշեցնենք, որ նախօրեին աղետի գոտի էր այցելել Թուրքիայի նախագահ Ռեջեփ Թաիբ Էրդողանը։
Նա երկրի քաղաքացիներին և լրատվամիջոցներին հորդորել էր հավատալ բացառապես երկրաշարժի զոհերի և տուժածների մասին պաշտոնական վիճակագրությանը։