ՀՀ կառավարությունը սկսում է զինծառայողների ատեստավորման գործընթաց՝ շարունակելով ինստիտուցիոնալ բարեփոխումները։
Անդրադառնալով թեմային՝ ՀՀ վարչապետ Նիկոլ Փաշինյանը տեղեկացրել է, որ ատեստավորման արդյունքում, կախված պաշտոնից, կոչումից և հաստիքից, միջին օղակի զինծառայողների աշխատավարձերը կկրկնապատկվեն։
ՀՀ պաշտպանության նախարար Սուրեն Պապիկյանն իր հերթին նշել է, որ մարտական հերթապահություն իրացնող զինծառայողների 211 հազար դրամ աշխատավարձը սահմանվել է 422 հազար դրամ։
Փաշինյանի խոսքով՝ ատեստավորման գործընթացում կներգրավվեն նաև այլ գերատեսչությունների ներկայացուցիչներ, խորհրդարանական գործընկերներ՝ վստահ լինելու համար, որ սահմանված որակական չափանիշները պահպանվում են.
«Քանի որ առողջապահության ապահովագրության համակարգ ենք ներդնում, որոշում ենք կայացրել, որ կրկնապատկվող աշխատավարձի որոշակի մասը, ըստ նախնական հաշվարկների՝ 20-25 հազար դրամ, կդեպոնացվի և կհատկացվի առողջապահության ապահովագրության համար, ինչը ևս կարևոր որոշում է»։
