Ռեգիոնի երկրների միջև խնդիրները պետք լուծվեն իրենց մասնակցությամբ․ ԻԻՀ դեսպան

ՀՀ-ում Իրանի դեսպան Աբբաս Բադախշան Զոհուրին անդրադարձել է հայ-ադրբեջանական սահմանին ԵՄ քաղաքացիական դիտորդական առաքելության տեղակայմանը։

Նրա խոսքով, Իրանը դեմ չէ ՀՀ-Ադրբեջան սահմանին ԵՄ առաքելության տեղակայմանը։

«Իրանի դիրքորոշումը հետևյալն է` տարածաշրջանային երկրների միջև խնդիրները պետք է հենց իրենց մասնակցությամբ լուծվեն։ Այլ երկրները կարող են իրենց նպաստը բերել տարածաշրջանում անվտանգության և խաղաղության ապահովման առումով»,– ասել է Զոհուրին։

Դեսպանի համոզմամբ, տարածաշրջանի երկրների մասնակցությամբ խնդիրների լուծումը կարող է ապահովել անվտանգությունը, խաղաղությունը, որը հիմնված կլինի երկխոսության և քննարկումների վրա։