| ԱԺ Գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանն իր ֆեյսբոջքյան էջում գրում է. |
Ամսական մինչեւ 138,000 դրամ հավելավճար մարզիչներին, երաժշտության, արվեստի, գեղարվեստի ոլորտի մանկավարժներին:
Կամավոր ատեստավորման առաջին փուլով արդեն ապրիլից իրենց աշխատավարձը կրկնապատկելու հնարավորություն կունենան 1.հունահռոմեական
2.ազատ ոճի ըմբշամարտի
3. սամբոյի
4. ձյուդոյի մարզիչները
ինչպես նաեւ
1. Դաշնամուրի
2. Երաժշտության տեսության ուսուցիչները:
Ընդհանուր շուրջ 2300 մանկավարժ: Աշխատավարձին գումարվող Հավելավճարը կտրամադրվի 5 տարի ժամկետով, անկախ կառույցը պետական, թե համայնքապատկան է: Կախված ատեստավորման արդյունքից հավելավճարները կլինեն հետեւյալ կերպ
70-79 տոկոսի դեպքում՝ 80.600 դրամ
80-89 տոկոսի դեպքում՝ 111.500 դրամ
90-100 տոկոսի դեպքում՝ 138.300 դրամ
Բարեհաջող ընթացքի դեպքում մինչեւ 2024թ-ի ավարտը հավելավճարի հնարավորություն կստանան նաեւ արտադպրոցական հաստատությունների բոլոր ուսուցիչներն ու սպորտաձեւերի մարզիչները:
Ի դեպ, ատեստավորմանը կարող են մասնակցել նաեւ պահանջներին բավարարող, բայց չաշխատող մասնագետները, որոնք հավելավճար կստանան աշխատանքի անցնելու պահից: Համապատասխան օրենքը ամբողջությամբ կընդունվի վաղը, իսկ մարտից կմեկնարկի հայտերի ընդունման փուլը:
Հ.Գ. Սիրելի մանկավարժներ, գիտենք, արտադպրոցական կրթության համակարգը ունի բազմաթիվ խնդիրներ՝ ենթակառուցվածքից մինչեւ բովանդակություն: Կառավարության այս նախաձեռնությունը համարեք դրանց լուծման մեկնարկ: Նախորդ շաբաթ, 30 տարվա մեջ առաջին անգամ, Ազգային ժողովի գլխադասային հանձնաժողովի նախաձեռնությամբ կազմակերպվեց արտադպրոցական կրթության հիմնախնդիրների վերաբերյալ հանրային քննարկում, առաջիկայում ավարտին կհասցնենք ոլորտի ամբողջական բարեփոխումների փաթեթը:
