Թուրքիայում շարունակում է աճել այդ երկրում տեղի ունեցած ավերիչ երկրաշարժի զոհերի թիվը։
«Ցավոք սրտի, մենք ստիպված ենք հայտնել զոհերի թվի աճի մասին։ Այժմ նրանց թիվը 17674 է։ Եվս 72879 մարդ վիրավորվել է»,-հայտարարել է Թուրքիայի փոխնախագահ Ֆուաթ Օքթայը։
Նրա խոսքով, փրկարարները վերջին մեկ օրվա ընթացքում փլատակների տակից դուրս են բերել ողջ մնացած 121 մարդու։
Հիշեցնենք, որ Թուրքիայում աշխատում են նաև Հայաստանի փրկարարները։
Հավելենք, որ Թուրքիայում արտակարգ դրություն է մտցվել, իսկ ավելի վաղ յոթնօրյա համազգային սուգ է հայտարարվել։
