Հայաստանի ազգային ժողովն այսօր՝ փետրվարի 10-ին, շարունակում է փետրվարի 7-ին մեկնարկած հերթական նիստի աշխատանքները:
Քվեարկության կդրվեն նախորդ օրը քննարկված օրենքների նախագծերը, այդ թվում՝ շրջիկ երաժիշտների, նկարիչների գործունեությունը կանոնակարգող օրենքի նախագիծը:
Խորհրդարանը կքննարկի «Եվրասիական տնտեսական միության եւ նրա անդամ պետությունների՝ մի կողմից, եւ Սինգապուրի Հանրապետության՝ մյուս կողմից, միջեւ ազատ առեւտրի մասին» համաձայնագիրը վավերացնելու մասին նախագիծը, «Պետական տուրքի մասին» Հայաստանի Հանրապետության օրենքում փոփոխություններ եւ լրացումներ կատարելու մասին օրենքի նախագիծը, «Բուսական աշխարհի մասին» օրենքում լրացում կատարելու մասին և կից ներկայացված օրենքների նախագծերի փաթեթը և մի շարք այլ օրենսդրական նախաձեռնություններ:
21:17
Սեպտեմբեր 29, 2026
