ՀՀ ԿԳՄՍ նախարար Ժաննա Անդրեասյանն ԱԺ-ում ներկայացրել է «Կրթության մասին» օրենքում փոփոխությունների նախագիծը, որ վերաբերում է արտադպրոցական կրթության ոլորտում աշխատողների մասնագիտական զարգացման և վարձատրության փոխկապակցված մեխանիզմի ներդրմանը։
Նախարարի խոսքով, այդպես հնարավորություն կստեղծվի դիմելու, մասնակցելու և ատեստավորման բավարար արդյունքի պարագայում՝ ստանալու լրավճար պետական բյուջեից։
Նախագծով հնարավորություն է տրված կարգավորել արտադպրոցական կրթության ոլորտում մի շարք կարևոր օրենսդրական բացեր.
«Նախագծով սահմանում ենք հատուկ դրույթ, որով պետությունը երաշխավորում է արտադպրոցական կրթության համակարգի ստեղծումը և տարբեր ուղղություններով ծառայությունների տրամադրման հնարավորությունները»,- նշել է Անդրեասյանը։
Բացի այդ, նախարարի տեղեկացմամբ, կսահմանվի նաև պաշտոնների անվանացանկի և մանկավարժական աշխատողների աշխատանքային նկարագրերի մասին լիազորող նորմեր, որոնք թույլ են տալու կանոնակարգել ոլորտում իրականացվող բովանդակային աշխատանքը:
