Ադրբեջանում ՌԴ դեսպան Միխայիլ Բոչարնիկովը նշել է, որ հայ-ադրբեջանական կարգավորման հարցում կարելի է առանձնացնել երեք հիմնական ուղղություն։
Դրանցից մեկն, ըստ դեսպանի, տնտեսական եւ տրանսպորտային կապերի վերականգնումն է, իսկ մյուս երկուսը՝ սահմանազատումն ու խաղաղության համաձայնագրի կնքումը։
«Ասել, թե բանակցային գործընթացի այս երեք ուղղությունները սերտորեն կապված չեն միմյանց, կարծում եմ, ճիշտ չէր լինի։ Բայց միեւնույն ժամանակ ուղղություններից մեկում հապաղելը կարող է բացասաբար անդրադառնալ մյուս բանակցությունների վրա։ Այժմ, ըստ երեւույթին, հենց դա էլ տեղի է ունենում։»,-նշել է Բոչարնիկովը։
Նրա պնդմամբ, խաղաղության պայմանագիրը քաղաքական հարց է։
«Ինչ-որ չափով քաղաքական կարելի է համարել նաեւ սահմանազատման թեման։ Իսկ ահա ճանապարհների եւ երթուղիների ապաշրջափակումը զուտ տնտեսություն է։
Կարծում եմ՝ ընդհանուր առմամբ գործընթացի համար վատ չէր լինի վերանայել առաջնահերթությունների համակարգը եւ անկյունաքար համարել հենց տնտեսությունը»,- ասել է դեսպանը։
