Հումանիտար առաջնորդները պահանջել են պատասխանատվության ենթարկել Ալիևին

“Ավրորա” մարդասիրական նախաձեռնության անդամներն ու համաշխարհային մարդասիրական հանրության առաջնորդները հանդես են եկել հայտարարությամբ՝ կապված Լեռնային Ղարաբաղում տիրող իրավիճակի հետ, որը սպառնում է վերաճել տարածաշրջանում լայնամասշտաբ հումանիտար ճգնաժամի: Աշխարհահռչակ իրավապաշտպաններն ու խաղաղության համար պայքարողները խիստ անհանգստացած են աշխարհի անտարբերությամբ և անհապաղ գործողությունների կոչ են անում։

“2022 թվականի դեկտեմբերի 12-ին ադրբեջանական ուժերը փակել են Լաչինի միջանցքը՝ Հայաստանն ու Արցախ անկլավը կապող միակ լեռնային ճանապարհը։ Շրջափակումից առաջ միջանցքն օգտագործվում էր առաջին անհրաժեշտության ապրանքների, այդ թվում ՝ սննդամթերքի և դեղորայքի առաքման համար։ Շրջափակումը հումանիտար աղետ է ստեղծում։
Դեկտեմբերի 13- ին, ոգևորված ողջ աշխարհի անտարբերությամբ, Ադրբեջանը անջատեց նաև գազի մատակարարումը, ինչը տեղի բնակչությանը մահվան ցրտահարության անմիջական վտանգի տակ դրեց”,-ասվում է նամակում ։

Նրանք պնդում են, որ 2022 թվականի դեկտեմբերի իրադարձություններն Արցախում ապշեցուցիչ պարզությամբ ի հայտ բերեցին Ալիևի կառավարության իրական մտադրություններն արցախահայության նկատմամբ։ Փորձելով և չկարողանալով բռնի ուժով վտարել նրանց իրենց հողից, կամ, իր իսկ խոսքերով,”շների պես հետապնդել արցախցիներին”, նախագահ Ալիևն այժմ ավելի քան պատրաստ է նրանց ենթարկել դանդաղ սառեցման, խոշտանգումների և սովամահության: Նրան չի կարելի թույլ տալ դա անել, և նրան չի կարելի վստահել կառավարելու որևէ օրինական իրավունք, քանի որ նա ցուցաբերեց խնամքի աղաղակող պակաս:

Նամակում նշվում է, որ ինչպես Բեռլինի դեպքում, միակ ելքը կարող է լինել բեռների առաքման օդային միջանցքը: