Ուկրաինայի նախագահ Վլադիմիր Զելենսկու այցը եվրոպական մայրաքաղաքներ և ընդունելությունը «տխմարների կրկես» է հիշեցնում։
Ռուսաստանի Անվտանգության խորհրդի փոխնախագահ Դմիտրի Մեդվեդևն այսպես է մեկնաբանել Ուկրաինայի ղեկավարի եվրոպական շրջագայությունը։
Նրա կարծիքով՝ դա ևս մեկ անգամ ցույց տվեց, որ Հին աշխարհի եվրոպացիները ենթարկվում են «ազգային նվաստացման» Ուկրաինայի և ԱՄՆ-ի կողմից։
«Ներկայիս եվրոպական «առաջնորդները» <…> երբեք չեն կանգնի նույնիսկ իրենց նախորդների կողքին <…>, ովքեր 20-րդ դարի ամենակործանարար պատերազմից հետո կառուցեցին նոր, անկախ և բարգավաճ Եվրոպա։
«Տխմարների կրկեսի» գագաթնակետը բրիտանական միապետի մոտ կանաչ յուղոտ շապիկի (նկատի ունի Զելենսկուն՝ համապատասխան հանդերձանքով) ընդունելությունն էր», – տելեգրամի իր ալիքում գրել է Մեդվեդևը։
