Ազգային անվտանգության ծառայությունը չի մեկնաբանում ՀՀ ֆինանսների նախկին նախարար, ՀՀ ԿԱ պետական եկամուտների կոմիտեի նախկին նախագահ Գագիկ Խաչատրյանին պատկանող տարածքներում գործողություն իրականացնելու վերաբերյալ լուրերը:
«Արմենպրես»-ի հետ զրույցում ՀՀ ԱԱԾ մամուլի կենտրոնի պետ Սամսոն Գալստյանը նշեց, որ այս պահին որեւէ տեղեկություն չունեն մամուլին փոխանցելու համար:
Լրատվամիջոցներում լուրեր են շրջանառվում, որ ԱԱԾ-ն գործողություններ է իրականացնում Գագիկ Խաչատրյանի սեփականությունը հանդիսացող բնակելի, ինչպես նաև գրասենյակային մի քանի տարածքներում։
