Վաղ թե ուշ Պուտինը կպարտվի․ Լեհաստանի նախագահ

Լեհաստանի նախագահ Անջեյ Դուդայի խոսքով, եթե ինքը հանդիպեր իր ռուս գործընկեր Վլադիմիր Պուտինի հետ՝ վերջինիս կնախագուշացներ, որ Ուկրաինայի հակամարտության արդյունքները տհաճ կլինեն Մոսկվայի համար։

«Ի՞նչ կասեի Վլադիմիր Պուտինին, ես նրան կասեի, որ վաղ թե ուշ դա վատ է ավարտվելու նրա համար, քանի որ ես հավատում եմ, որ աշխարհը կմիավորվի և կմնա ազնվության և արդարության կողքին։

Իսկ ազնվությունն ու արդարությունն Ուկրաինայի կողմն են»,- ասել է Դուդան BBC-ին տված հարցազրույցում։

Նրա խոսքով՝ «եթե ազատ աշխարհը, արևմտյան հանրությունը, արևմտյան ժողովրդավարությունը, ՆԱՏՕ-ն և Եվրամիությունը ԱՄՆ-ի հետ միասին՝ եվրաատլանտյան կապերով աջակցում են Ուկրաինային, ապա Վլադիմիր Պուտինը պետք է պարտվի»։

«Սա նշանակում է, որ վաղ թե ուշ նա կպարտվի»,- վստահ է Լեհաստանի նախագահը։