Վրաստանում տղաների ամենահայտնի անունն ավանդաբար մնում է Գիորգին, իսկ աղջիկների ամենահայտնի անունը Նինոն է:
2022 թվականին աղջիկների անունների նորաձևությունը փոխվել է, և Նինո անունը նորածինների լավագույն տասնյակում չի մտել՝ տեղը զիջելով Մարիամին։ Նաև՝ Մարթա, Եվա և Բարբարե անուններն են հայտնվել ամենատարածվածների ցանկում, փոխանցում է Aliq.ge-ն։
Տղաների անունների շարքն ավանդաբար գլխավորում է Գիորգին, իսկ Դեմետրե, Անդրիա և Դանիել անունները գնալով մեծ տարածքում են գրանցում Վրաստանում։
Վերոնշյալ տվյալները Արդարադատության նախարարությունից են։
Նշվում է, որ Վրաստանում տղաների ամենահայտնի անուններն են՝
- Գիորգի՝ 193 հազար 387,
- Դավիթ/Դավիթի՝ 68 հազար 67 + 25 հազար 933,
- Ալեքսանդրա՝ 45 հազար 473,
- Լուկա՝ 43 հազար 597,
- Նիկոլոզ՝ 39 հազար 131,
- Իրակլի՝ 36 հազար 108,
- Զուրաբ՝ 29 հազար 898,
- Սաբա՝ 28 հազար 807,
- Լևան՝ 27 հազար 716։
Վրաստանում աղջիկների ամենահայտնի անուններն են՝
- Նինո՝ 115 հազար 758,
- Մարիամ/Մարիամի՝ 70 հազար 889 + 47 հազար 229,
- Անա՝ 49 հազար 409,
- Թամար՝ 48 հազար 806,
- Մայա՝ 47 հազար 044,
- Նանա՝ 42 հազար 393,
- Էլենե՝ 38 հազար 619,
- Նաթիա՝ 38 հազար 334,
- Մանանա՝ 33 հազար 197։
