Երկրաշարժերը Թուրքիայի տնտեսությանը հասցրել են 84 միլիարդ դոլարի վնաս, փետրվարի 12-ին հաղորդել է Bloomberg-ը՝ վկայակոչելով Ձեռնարկատերերի կոնֆեդերացիայի և հանրապետության գործարար շրջանակների ներկայացուցիչների գնահատականները։
Կազմակերպության տվյալներով՝ բնակելի շենքերին հասցված վնասը կազմել է 70,8 մլրդ դոլար։ Բացի դրանից, աղետի հետևանքները կհանգեցնեն երկրի բյուջեի եկամուտների նվազմանը 10,4 մլրդ դոլարով։
Միևնույն ժամանակ, Fitch միջազգային վարկանիշային գործակալությունը նախկինում տեղի ունեցած երկրաշարժերից Թուրքիայի հավանական կորուստները գնահատել է 4 միլիարդ դոլար։
7,7 և 7,6 մագնիտուդով երկրաշարժեր են տեղի ունեցել փետրվարի 6-ին Թուրքիայի հարավ-արևելքում գտնվող Քահրամանմարաս նահանգում՝ Սիրիայի հետ սահմանի մոտ։ Փետրվարի 12-ի դրությամբ Թուրքիայում մահացել է մոտ 30 հազար մարդ, Սիրիայում տարերքի զոհ է դարձել ավելի քան 1,4 հազարը։
Թուրքիայի Արտակարգ իրավիճակների կառավարման վարչության ռիսկերի նվազեցման բաժնի գլխավոր տնօրեն Օրհան Թաթարը խոստովանել է, որ երկրաշարժը ունեցել է 500 ատոմային ռումբի պայթյունի հետևանք։
