«Երևանում կանգնեցված հուշարձանների մեծ մասը ներառված չեն հուշարձանների պետական ցուցակում։ Սա իմ անձնական գույքագրումն է եղել, իսկ հուշարձանին, կերտվածքին, ստեղծագործությանը տրվում է հուշարձանի կարգավիճակ, երբ այն ներառվում է հուշարձանների պետական ցուցակ՝ տալով կարգավիճակ հանրապետական կամ տեղական նշանակության»։
Այս մասին Երևանի քաղաքապետարանի գործակարգավարական նիստում ասել է քաղաքապետի խորհրդական Կամո Արեյանը՝ անդրադառնալով մայրաքաղաքի հուշարձաններին։
Նա վստահեցրել է, որ բազմաթիվ հոբելյանների առթիվ պետական աջակցությամբ, մասնավոր հովանավորությամբ մոնումենտալ և կիսանդրիներ, որ տեղակայված են Երևանում, չեն ստացել այդ կարգավիճակը և չեն հանձնվել որևէ մեկի պահպանությանն ու խնամքին։
«Դա կամովին անում է Երևանի քաղաքապետարանը՝ իր ուժերով։ Մնացած հուշարձանները հանձնված չեն ոչ ՀՀ-ին՝ որպես սեփականություն, ոչ էլ ներառված են տեղական հուշարձանների ցանկում։ Սա տարիների կուտակված խնդիր է, մեկ օրում չէ»,- նշել է Արեյանը՝ քաղաքապետին խնդրելով, որ արվի գույքագրում և ցանկը ներկայացվի ԿԳՄՍ նախարարություն՝ կարգավիճակ ստանալու համար։
Նրա խոսքով, ավելի քան 30 տարի է՝ ՀՀ-ում չի իրականացվում նաև հուշարձանների տեխնիկական զննում։
16:51
Ապրիլ 30, 2026
