ՀԱՊԿ անդամ երկրներին չի հաջողվի խուսափել Ուկրաինայի և Ռուսաստանի միջև ընթացող հակամարտությունից։
Այդ մասին հայտարարել է Բելառուսի նախագահ Ալեքսանդր Լուկաշենկոն՝ ՀԱՊԿ գլխավոր քարտուղար, Ղազախստանի ներկայացուցիչ Իմանգալի Տասմագամբետովի հետ հանդիպման ժամանակ, փոխանցում է Belta-ն։
«Եթե ինչ-որ մեկը կարծում է, որ Ուկրաինայի և Ռուսաստանի հակամարտությունը մեր հակամարտությունը չէ, որ ինչ-որ տեղ հանգիստ կնստենք, նման բան չի լինի, գուցե հենց վաղը, երբ կպահանջվի որոշում կայացնել, որոշակի դիրքորոշում զբաղեցնել»,-նշել է Բելառուսի առաջնորդը։
Ըստ Լուկաշենկոյի, բոլոր դաշնակցային թերություններով հանդերձ, ՀԱՊԿ անդամ երկրները պետք է հստակ սահմանեն ընդհանուր քաղաքականությունը, ուղեգիծը՝ միասին գործելու համար։
