Իրադրությունը Հավաքական անվտանգության պայմանագրի կազմակերպության պատասխանատվության գոտում մնում է բարդ և լարված։ Այս մասին հայտնել է ՀԱՊԿ միացյալ շտաբի պետ, գեներալ-գնդապետ Անատոլի Սիդորովը։
«Իրադրությունը Հավաքական անվտանգության պայմանագրի կազմակերպության պատասխանատվության գոտում, ցավոք, բնութագրվում է որպես բարդ և լարված»,- նրա խոսքերն է մեջբերում ՏԱՍՍ-ը:
Սիդորովը հստակեցրել է, որ հիմնական մարտահրավերը մի շարք արևմտյան երկրների ապակառուցողական գործունեությունն է, որն ուղղված է կազմակերպության շուրջ և նրա առանձին անդամ պետությունների ներսում իրավիճակի խարխլմանը:
