Երևան-Բաքու բանակցություններ, հայ-թուրքական սահմանի բացում․ ի՞նչ են քննարկել Չավուշօղլուն և Միրզոյանը

Իմ գործընկերն ինձ տեղեկացրեց Հայաստանի և Ադրբեջանի միջև համապարփակ խաղաղ համաձայնագրի շուրջ ընթացող բանակցությունների մասին։

Այս մասին Չավուշօղլուն հայտարարել է Անկարայում Արարատ Միրզոյանի հետ կայացած մամուլի ասուլիսում։

«Թուրքիայի, Ադրբեջանի և Հայաստանի միջև հարաբերությունների կարգավորման գործընթացում առաջընթացը կօգնի տարածաշրջանում բարենպաստ մթնոլորտի ստեղծմանը»,-հայտարարել է Չավուշօղլուն։

Նրա խոսքով, կողմերը մտածում են նաև հայ-թուրքական սահմանին ճանապարհների վերականգնման մասին։

«Արարատ Միրզոյանի հետ խոսել ենք այն մասին, թե ինչ քայլեր կարող ենք անել հայ-թուրքական հարաբերությունների կարգավորման հարցում։ Դրանցից մեկը Հայաստանի և Թուրքիայի միջև պատմական «Մետաքսի ճանապարհ» կամրջի վերականգնումն է, բացի այդ, մենք նախատեսում ենք քայլեր ձեռնարկել դեպի անցակետ տանող ճանապարհները վերականգնելու համար»,- նշել է Չավուշօղլուն։