Ժամեր անց Հայաստանից օգնության հերթական խմբաքանակը կհասնի Թուրքիա։
Այս մասին Թուրքիայի ԱԳ նախարար Մևլութ Չավուշօղլուի հետ կայացած համատեղ մամուլի ասուլիսում հայտարարեց ՀՀ արտաքին գործերի նախարար Արարատ Միրզոյանը։
«Այսօր մեզ համար խորթ չէ այն վիշտը, որն այցելել է Թուրքիայի հազարավոր ընտանիքներին։ Հենց այդ սկզբունքով էր, որ ՀՀ կառավարությունը աղետալի երկրաշարժից անմիջապես հետո որոշում կայացրեց Թուրքիա ուղարկել փրկարարներ և հումանիտար օգնություն։
Ուրախ եմ, որ մեր փրկարարներին, իրենց գործընկերների հետ համագործակցությամբ, հաջողվել է փրկել մարդկային կյանքեր։ Խորհրդանշական եմ համարում, որ շաբաթ օրը շուրջ 30 տարի փակի տակ գտնվող հայ-թուրքական սահմանը բացվեց Ադըյաման ուղևորվող հումանիտար օգնությամբ բարձված հայկական բեռնատարների համար։ Նույնը տեղի ունեցավ երեկ երեկոյան», – նշել է Արարատ Միրզոյանը։
Հավատացած եմ, որ միջազգային հանրությունը մոլորակի որևէ կետում տեղի ունեցող որևէ հումանիտար ճգնաժամի պարագայում չպետք է անտարբեր մնա, հավել էլ ՀՀ գլխավոր դիվանագետը։
10:35
Ապրիլ 30, 2026
