ԵՄ-ն առաջին անգամ պատժամիջոցներ կսահմանի Իրանի կազմակերպությունների դեմ

Եվրամիությունը մտադիր է պատժամիջոցներ կիրառել իրանական կազմակերպությունների դեմ, որոնք աջակցում են Ուկրաինայում Ռուսաստանի գործողություններին։

Այս մասին Ստրասբուրգում Եվրախորհրդարանի լիագումար նիստում հայտարարել է Եվրահանձնաժողովի ղեկավար Ուրսուլա ֆոն դեր Լեյենը։

«Իրանական արտադրության հարյուրավոր անօդաչու սարքեր կան, որոնք Ռուսաստանը օգտագործում է Ուկրաինայի մարտադաշտերում։

Այսպիսով, առաջին անգամ մենք նաև առաջարկում ենք պատժամիջոցներ կիրառել իրանական կազմակերպությունների, այդ թվում՝ Իսլամական հեղափոխության պահապանների կորպուսի հետ կապված կազմակերպությունների դեմ», – ասել է նա:

Նշենք, որ Մոսկվան և Թեհրանը հերքում են Ռուսաստանին իրանական անօդաչու սարքերի մատակարարման վարկածը։