Պետությունն իր վրա կվերցնի թոշակառուների ապահովագրման խնդիրը․ Ավանեսյան

Պետությունն իր վրա կվերցնի թոշակառուների ապահովագրման խնդիրը։

Այս մասին այսօր լրագրողների հետ կայացած զրույցում հայտարարել է ՀՀ առողջապահության նախարար Անահիտ Ավանեսյանը։

Նախարարն ընդգծել է, որ դա պետության ամենակարևոր հանձնառություններից մեկն է։

«Այսօր էլ տարեկան երկու անգամ բարձրացնում ենք թոշակները, բայց երբ նայում ենք, թե ինչի վրա են ծախսում թոշակը, հիմնականում սնունդն է և առողջապահական ծախսերը՝ դեղորայք, հետազոտություններ, և այլն, և այլն։

Այսինքն՝ սրանով պետությունը ծախսի մի մեծ բեռ վերցնում է իր վրա, որպեսզի թոշակը բավականացնի ավելի լավ կենցաղային պայմաններ ու կենսակերպ ապահովելու համար թոշակառուներին»,-հավելել է նախարարը։