Հայաստան-Թուրքիա հարաբերությունների կարգավորման գործընթացում Անկարայի հատուկ ներկայացուցիչ Սերդար Քըլըչը թվիթերյան իր միկրոբլոգում անդրադարձել է ՀՀ ԱԳ նախարար Արարատ Միրզոյանի՝ Թուրքիա կատարած այցին։
«Աշխարհագրությունը մեր ընդհանուր ճակատագիրը որոշող ամենակարեւոր գործոնն է, երբեմն, ինչպես հիմա, այս ճակատագիրը կերտվում է տառապանքով:
Տարածաշրջանի երկրների միջև դրսևորված մարդասիրական համերաշխությունը լավագույն դեղամիջոցն է այս տառապանքը մեղմելու համար։
Ինչպես տարածաշրջանի բոլոր երկրները, այնպես էլ Հայաստանը, առանց վարանելու կանգնեց թուրք ժողովրդի կողքին»,- գրել է Քըլըչը՝ կից հրապարակելով լուսանկարներ Արարատ Միրզոյանի դիմավորումից։
