Հայաստանի Հանրապետությունը երեկ ավարտել է Ադրբեջանի հետ խաղաղության և հարաբերությունների հաստատման պայմանագրի նախագծի հերթական փուլի աշխատանքները, և մեր առաջարկները փոխանցված են ադրբեջանական կողմին։
Կկառավարության այսօրվա նիստում տեղեկացրել է ՀՀ վարչապետ Նիկոլ Փաշինյանը։
Նա պարզաբանել է, որ առաջարկներ ասելով՝ պետք է նկատի ունենալ ամբողջական փաստաթղթի նախագիծը՝ հայկական կողմի առաջարկներով.
«Փաստաթուղթը փոխանցել ենք նաև ԵԱՀԿ ՄԽ համանախագահներին։ Մենք նախագծի վրա աշխատում ենք հետևյալ տրամաբանությամբ. ստանալ մի փաստաթուղթ, որ ցանկացած պահի պատրաստ ենք ստորագրել։
Հասկանալի է, իհարկե, որ այդ փաստաթուղթը պետք է ընդունելի լինի նաև Ադրբեջանի համար, և մենք հույս ունենք, որ արդեն երեք փուլ բանակցությունների արդյունքում նկատված որոշակի առաջընթացը հնարավոր կլինի զարգացնել»,-ընդգծել է ՀՀ վարչապետը։
