Թուրքիայում երկրաշարժերի հետեւանքով զոհվածների թիվը հասել է 36 187-ի, հայտնել է տարերային աղետների հետեւանքների վերացման վարչությունը (AFAD):
«Երկրաշարժերի հետևանքով զոհվել է 36 187 մարդ, իսկ աղետից տուժած 216 347 մարդ տարածաշրջանից տարհանվել է այլ նահանգներ»,- հայտնել է վարչությունը:
Գերատեսչության տվյալներով՝ վիրավորների թիվը 108 068 է։ Թուրքիայի հարավում՝ Քահրամանմարաշ նահանգում, փետրվարի 6-ին՝ ժամը 04.17-ին, տեղի էր ունեցել 7.4 մագնիտուդով երկրաշարժ, որի հետևանքով ավերածություններ են տեղի ունեցել մի շարք քաղաքներում, կան բազմաթիվ զոհեր և տուժածներ։
