Հանրության ներսում մշակութային հաղորդակցումը պետք հասանելի դարձնել.Անդրեասյան

Հաստատման փուլում է գտնվում մշակույթի ոլորտի զարգացման ռազմավարությունը, որն ամրագրում է հետագա տարիների անելիքները: Ինչպես տեղեկանում ենք ԿԳՄՍ նախարարության տարածած հաղորդագրությունից, այս մասին ասել է նախարար Ժաննա Անդրեասյանը՝ թատրոնների, թատերահամերգային հաստատությունների տնօրենների հետ աշխատանքային հանդիպման ընթացքում:

Նա նշել է, որ սա հնարավորություն է՝ հասկանալու առաջիկա քայլերը, մասնավորապես՝ քննարկելու մշակութային հաստատությունների գործունեության և ֆինանսավորման սկզբունքների բարելավման հարցը:

Հանդիպմանը ներկա է եղել նաև ԿԳՄՍ նախարարի տեղակալ Արա Խզմալյանը: Քննարկվել են նաև հաստատությունների ֆինանսավորման նոր սկզբունքները, որոնց վերաբերյալ ոլորտի ներկայացուցիչները համապատասխան առաջարկներ և դիտարկումներ են ներկայացրել:

«Իրականացվող որակական փոփոխությունների քաղաքական ուղերձը հանրության ներսում մշակութային հաղորդակցումն առավել հասանելի դարձնելն է, քանի որ մշակույթը հանրային զարգացման համար անկյունաքարային նշանակություն ունի»,- ասել է նախարարը: