Թուրքիայի հետ հարաբերությունների կարգավորման հարցով Հայաստանի հատուկ բանագնաց Ռուբեն Ռուբինյանը հույս է հայտնել, որ երկու հարևան երկրների հարաբերություններում «միշտ խաղաղություն կտիրի»։
Ռուբինյանն ՀՀ ԱԳ նախարար Արարատ Միրզոյանի հետ օրերս այցելել էր Թուրքիայի աղետի գոտի և տեղում տեսել Թուրքիայի Ադըյաման նահանգում հայկական որոնողափրկարարական խմբի աշխատանքը։
Թուրքական Anadolu գործակալության հետ զրույցում քաղաքական գործիչն ասել է, որ Հայաստանը հետևում է իրավիճակին աղետի գոտում, սակայն տեղում հայկական պատվիրակությանը բախվել է ավերածությունների շատ ավելի մեծ պատկերի, քան ներկայացվում է համացանցում:
«Աղետի առաջին իսկ օրվանից մենք որոնողափրկարարական խումբ ենք ուղարկել Թուրքիա։ Բացի այդ, մարդասիրական ուղևորություններ են իրականացվել հայ-թուրքական սահմանով։ Արտաքին գործերի նախարար Արարատ Միրզոյանի հետ հարկ համարեցինք անձամբ գալ այստեղ և հայտնել մեր ցավակցությունն ու աջակցությունը»,- ասել է Ռուբինյանը։
Նրա խոսքով՝ երկրաշարժը զգացվել է նաև Հայաստանում։ Միաժամանակ Ռուբինյանը հայտնել է իր երկրի պատրաստակամությունը՝ հնարավոր ամբողջական աջակցություն ցուցաբերել Թուրքիային։
«Այսօր, ցավոք, մի ողբերգական դեպք մեզ համախմբեց, բայց հույս ունենք, որ մի օր միասին կլինենք և ուրախ պահերին։ Եվս մեկ անգամ ուզում եմ իմ ցավակցությունը հայտնել այն մարդկանց, ովքեր կորցրել են իրենց սիրելիներին, իսկ վիրավորներին՝ շուտափույթ ապաքինում։ Հուսով եմ, որ այսուհետ մեր միջև միշտ խաղաղություն կտիրի»,- ասել է Ռուբինյանը։
Անդրադառնալով Հայաստանի և Թուրքիայի միջև հարաբերությունների կարգավորման թեմային՝ Ռուբինյանը շեշտել է, որ դա առաջին հերթին կապահովի կայունություն և խաղաղություն տարածաշրջանում, երկրորդ հերթին՝ տնտեսական համագործակցություն, ինչպես նաև փոխգործակցություն այլ ոլորտներում։ Նրա խոսքով՝ հաջորդ բանակցությունների ժամկետը դեռ որոշված չէ։
«Այսօր ՄԱԿ-ի միակ անդամ պետությունը, որի պաշտոնական սահմանները դեռ պարզ չեն, այսպես կոչված Իսրայել պետությունն…
Ստոկհոլմի հյուրանոցներից մեկում, որտեղ ապրում էր Կիլիան Մբապեն, բռնաբարության հետաքննություն է սկսվել։ Ավելի վաղ հայտնի…
ՀՀ վարչապետ Նիկոլ Փաշինյանը Ադրբեջանի նախագահ Իլհամ Ալիեւին առաջարկել է, որ արտաքին գործերի նախարարները երկօրյա…
ՀՀ ԱԳ նախարար Արարատ Միրզոյանը կմասնակցի «3+3» տարածաշրջանային խորհրդատվական հարթակի երրորդ հանդիպմանը. Radar Armenia-ն այս մասին…
«2022թ. սեպտեմբերի 27-ից նշանակվել եմ Երևանի փոխքաղաքապետ, նախորդ տարի հոկտեմբերից Երևանի քաղաքապետն եմ։ Խնդրում եմ…
23-ամյա բրիտանուհին դարձել է ամենաերիտասարդ կինը, որը նվաճել է աշխարհի 14 ամենաբարձր գագաթները: Ադրիանա Բրաունլիի վերջին նվաճումը գրանցվել…