Մենք շարունակում ենք մեր գործընկերներին աջակցություն ցուցաբերել հայ-ադրբեջանական խաղաղության պայմանագրի հարցում։
Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նա օգտակար է համարել Հայ-ադրբեջանական հարաբերությունների կարգավորման աջակցության հարցերով ՌԴ հատուկ ներկայացուցիչ Իգոր Խովաևի այցը երկու երկրների մայրաքաղաքներ։
«Եվ հայկական, և ադրբեջանական կողմերը վերահաստատել են իրենց հետաքրքրությունը մեր երկրի միջնորդության վերաբերյալ։
Հաշվի առնելով խաղաղության պայմանագրի թեմայի զգայուն լինելը՝ ես մանրամասներ չեմ հայտնի։
Կարող ենք ևս մեկ անգամ վերահաստատել մեր պատրաստակամությունը՝ Մոսկվայում այս հարցով կազմակերպել ԱԳ նախարարների հերթական հանդիպումը»,-նշել է դիվանագետը։
